दुचाकी चोरी प्रकरणी जोडगोळीला अटक

• उद्यमबाग पोलिसांची कारवाई 

बेळगाव / प्रतिनिधी 

दोन अट्टल दुचाकीचोराना जेरबंद करून सुमारे दोन लाख रुपये किंमतीच्या चोरलेल्या दुचाकी जप्त करण्यात  बेळगावातील उद्यमबाग पोलिसांना यश आले आहे. 
उद्यमबाग पोलिस ठाण्यात दाखल झालेल्या वाहनचोरीच्या गुन्ह्यांचा तपास करताना मिळालेल्या धागेदोऱ्यांवरून पोलिसांनी दोन अट्टल दुचाकी चोरांच्या मुसक्या आवळल्या आहेत. हैदरअली मुस्लिमअली शेख, रा. एपीजे अब्दुल कलाम कॉलनी, पिरनवाडी आणि मोदीन उर्फ नदीम शमशुद्दीन टोपीगार, रा. सेकंड क्रॉस, अमन नगर, न्यू गांधी नगर, बेळगाव अशी अटक केलेल्या बाईक चोरांची नावे आहेत. त्यांच्याकडून हिरो स्प्लेंडर,यामाहा एफ झेड, ऍक्टिव्हा, ऍक्सेस, डिओ आदी कंपन्यांच्या एकूण ७ दुचाकी जप्त करण्यात आल्या. आहेत. त्यांची एकूण किंमत १ लाख ९५ हजार रुपये आहे. 

वरिष्ठांच्या मार्गदर्शनाखाली उद्यमबागचे पोलीस निरीक्षक रामप्पा बिरादार, हवालदार श्रीमती एम.पी. कदम, पोलीस कर्मचारी आय. एस. पाटील, एच. एस. हादीमनी, ए. बी. बडनूर, एस. ए. कर्की, आय. एम. चवलगी आदींनी या कारवाईत भाग घेतला.