• जिल्हा  पोलीसप्रमुख  एच .डी .आनंदकुमार  यांची    पत्रकार परिषदेत  माहिती  

 

विजयपूर / वार्ताहर 

फेसबुकच्या माध्यमातून स्वतःची ओळख करून तरुणाला लाखो  रुपयांचा गंडा घातलेल्या तरुणीला अटक करण्यातआल्याची माहिती विजयपूरचे जिल्हा पोलीस  प्रमुख एच. डी. आनंदकुमार यांनी दिली.  
या पत्रकार परिषदेत ते पुढे म्हणाले, विजापूर जिल्ह्यातील सिंदगी तालुक्यातील बागलूर गावातील परशुराम नावाचा तरुण हैदराबादमध्ये बांधकाम कामगारांचा सुपरवायझर होता.  आणि त्याला 30 हजार पगार मिळत होता. ज्या मुलीवर तो मनापासून प्रेम करतो ती जिल्हाधिकारी  होईल, कारण ती केंद्र सरकारच्या परीक्षेची तयारी करत होती, असे त्याचे स्वप्न होते. पण त्या स्वप्नामुळे त्याला मोठा फटका बसला.  हासन येथील मुलगी विजापूर जिल्ह्यातील सिंदगी तालुक्यातील बागलूर गावातील परशुराम याच्याशी ऑनलाईन ओळख झाली . याचे रुपांतर प्रेमात झाले. दोघेही एकमेकांना प्रत्यक्ष न पाहता प्रेमात पडले होते. तिचा फेसबुक डीपी पाहिल्यानंतर त्याने घरात साठवून ठेवलेले ५ लाख रोख,तसेच प्लॉटसह सर्व काही विकून तिच्या शिक्षणासाठी पैसे पाठवले. त्याने सुमारे 40 लाख पाठवले तरीही ती त्याच्याकडे आकर्षित झाली नाही आणि तिने पुन्हा पैसे मागितले . तो अंघोळ करत असताना तिने व्हिडिओ कॉल केला, त्याचे रेकॉर्डिंग केले आणि पैशासाठी व्हिडिओ पाठवून तिला ब्लॅकमेल केले. त्यामुळे कात्रीत सापडलेल्या तरुणाने 15.11.2022 रोजी सिंदगी पोलिस ठाण्यात फिर्याद दिली. त्यात त्याने आपल्या फसवणुकीबद्दल पूर्ण खुलासा केला आहे. फसवणूक झालेल्या तरुणाने तक्रार केली होती की त्याने आपल्या खात्यातून मोबाईल फोनद्वारे पैसे भरले होते.

फसवणूक झालेल्या तरुणाने दिलेल्या तक्रारीनुसार, 29 जून रोजी या तरुणाला मंजुळा.के.आर.या फेसबुक आयडीवरून एक फ्रेंड रिक्वेस्ट मिळाली. त्याने ती स्वीकारली . त्यानंतर हाय असा मेसेज पाठवला आणि फेसबुकच्या माध्यमातून दोघांमध्ये संभाषण सुरु झाले . आणि याचा फायदा घेत त्या तरुणीने प्रथम आमच्या आईची तब्येत ठीक नाही, तिच्यासाठी 700/- रुपये द्या अशी  मागणी केली आणि त्याने ते पैसे पाठवले . त्यानंतर ती महिला वारंवार फोनवर पैसे मागत होती . यूपीएससी परीक्षा देत असल्याचे सांगूनही त्याने पैसे उकळले . यावर विश्वास ठेवून या तरुणाने तिला आतापर्यंत 40 लाखांहून अधिक पैसे पाठवले आहेत. तेही त्याने एक दिवसही तिचा चेहरा न पाहता . तिला कधी व्हिडिओ कॉलही केला नाही. त्यांनी एकमेकांचे तोंडही पाहिले नाही याचे आश्चर्य वाटते. एसपी आनंद कुमार, यांनी हे ब्लॅक मेल प्रकरण गांभीर्याने घेतले, त्यांनी एक विशेष टीम तयार केली आणि हासन जिल्ह्यातील चन्नरायपट्टन तालुक्यातील दसरल्ली गावातून आरोपी मंजुळा हिला अटक केली . पोलिसांची माहिती मिळताच मंजुळाचा पती फरार झाला. या मंजुळाला मुलंही आहेत, तिने फेसबुकवर जो फोटो टाकला आहे तोच तिचा खरा फोटो नाही . तिने सुंदर मॉडेलचा फोटो फेसबुकला ठेवून या तरुणाची फसवणूक केली आणि पोलिसांची पाहुणी बनली. तिने अशाच प्रकारे आणखी कोणाची फसवणूक केली आहे का, याचा तपास पोलिसांनी सुरू केला असल्याचे त्यांनी सांगितले. 
मंजुळाने या पैशातून 100 ग्रॅम सोने, एक हुंडाई कार, एक बाईक खरेदी केली आहे आणि ती गावात घरही बांधत आहे. मंजुळाच्या पतीची या फसवणुकीला पूर्ण साथ असून, आता तोही फरार झाला आहे . पोलिसांनी त्याला शोधण्यासाठी सापळा रचला आहे. एसपी आनंद कुमार आणि सीपीआय रमेश आवजी यांनी या प्रकरणाचा तपास करणाऱ्या पोलिस पथकाचे अभिनंदन केले.