ज्येष्ठ साहित्यिक डाॅ. नागनाथ कोत्तापल्ले यांचे निधन

पुणे दि. ३० नोव्हेंबर : 

ज्येष्ठ साहित्यिक, अखिल भारतीय मराठी साहित्य संमेलनाचे माजी अध्यक्ष आणि प्रसिद्ध समीक्षक डॉ. नागनाथ कोत्तापल्ले (वय 75) यांचे दीर्घ आजाराने बुधवारी दुपारी पावणेदोनच्या सुमारास निधन झाले. त्यांच्या पश्चात पत्नी, मुलगा, कन्या, सून व नातवंडे असा परिवार आहे. त्यांच्या पार्थिवावर वैकुंठ स्मशानभूमीत अंत्यसंस्कार करण्यात आले.

डाॅ. कोत्तापल्ले यांना 14 नोव्हेंबर रोजी विषाणू संसर्गाचे निदान झाल्याने खासगी रुग्णालयात दाखल करण्यात आले होते. त्रास वाढल्याने त्यांना अतिदक्षता विभागात हलवण्यात आले. कृत्रिम श्वासोच्छ्वास यंत्रणेचा आधार त्यांना देण्यात आला होता. दोन दिवसांपासून ते अत्यवस्थ होते. अखेरीस बुधवारी त्यांची प्राणज्योत मालवली.