विजयपूर / वार्ताहर

अज्ञात वाहनाची दुचाकीला धडक बसून झालेल्या अपघातात दुचाकीस्वार जागीच ठार झाला. विजयपूर जिल्ह्याच्या मुद्देबिहाळ तालुक्यातील धवलगी गावात बुधवारी रात्री उशिरा  ही घटना घडली.

मेसन हुसैनबाशा गोलंदाज (वय 33) असे मृत दुचाकीस्वाराचे नाव आहे. तो सेंट्रींग काम करत होता. या घटनेनंतर अज्ञात वाहन चालक वाहनासह फरार झाला आहे. दरम्यान अपघाताची माहिती मिळताच मुद्देबिहाळ पोलिसांनी घटनास्थळी भेट देऊन पंचनामा केला तसेच मृतदेह ताब्यात घेऊन उत्तरीय तपासणीसाठी मुद्देबिहाळच्या सरकारी रुग्णालयात पाठविला. 

या अपघाताची मुद्देबिहाळ पोलीस स्थानकात नोंद झाली असून अज्ञात वाहन चालकावर हिट अँड रनचा गुन्हा दाखल करण्यात आला आहे. याप्रकरणी मुद्देबिहाळ पोलिसांचा अधिक तपास सुरू आहे.