मल्लिकार्जुन खर्गे काँग्रेसचे नवे अध्यक्ष

• काँग्रेस अध्यक्ष पदाच्या निवडणुकीत शशी थरुर यांचा  पराभव

• खर्गे यांना 7897 तर थरूर यांना  1072 मते 

• 25 वर्षानंतर गांधी कुटुंबीयाबाहेरील व्यक्ती काँग्रेसच्या अध्यक्षपदी

दिल्ली दि. १९ ऑक्टोबर : 

काँग्रेस पक्षाच्या अध्यक्षपदाच्या निवडणुकीत काँग्रेसचे ज्येष्ठ नेते, खासदार मल्लिकार्जुन खर्गे  विजयी झाले आहेत. खर्गे यांनी शशी थरुर यांचा मोठ्या मताधिक्याने पराभव केला आहे. याबाबतची औपचारिक घोषणा लवकरच करण्यात येणार आहे. काँग्रेस अध्यक्षपदाचे उमेदवार शशी थरूर यांनी खर्गे यांचे अभिनंदन केले आहे. खर्गे यांना 7897 तर थरूर यांना 1072 मते मिळाली. काँग्रेस अध्यक्षपदाच्या निवडणुकीत 9385 जणांनी मतदान केले होते.

जवळपास 25 वर्षांनंतर काँग्रेस पक्षात अध्यक्षपदाची निवडणूक पार पडली. त्याशिवाय, यंदा 25 वर्षानंतर गांधी कुटुंबीयाबाहेरील व्यक्ती काँग्रेस अध्यक्षपदी असणार आहे.