बेळगाव / प्रतिनिधी  

घनदाट अरण्यामध्ये राहणाऱ्या मल्लाप्पा हणबर या शेतकऱ्यावर 6 जुलै अस्वलाने हल्ला केला होता. या हल्ल्यात मल्लाप्पा हणबर जखमी झाले होते. यानंतर त्यांच्यावर रुग्णालयात उपचार करण्यात आले.

उपचारानंतर बरे होऊन ते घरी परतले.याची माहिती मिळताच भाजप नेते ए दिलीप कुमार यांनी मल्लाप्पा हणबर यांच्यासह त्यांच्या कुटुंबीयांची भेट घेऊन विचारपूस करत त्यांना आर्थिक मदत केली.तसेच  पुढील उपचाराकरिता  कोणतीही मदत हवी असल्यास आपल्याशी संपर्क साधावा असे सांगितले. यावेळी त्यांच्यासोबत  भाजप कार्यकर्ते उपस्थित होते.