• संस्थापक पिटर डिसोजा अध्यक्षस्थानी  

खानापूर / प्रतिनिधी  

खानापूर ज्ञानवर्धिनी प्रतिष्ठानच्या १० वी व्याख्यान मालेचा सांगता समारंभ उद्या रविवार दि.९ रोजी सकाळी दहा वाजता आयोजित करण्यात आला आहे. 

लोकमान्य भवन येथे आयोजित या कार्यक्रमाच्या अध्यक्षस्थानी ज्ञानवर्धिनी प्रतिष्ठानचे संस्थापक पिटर डिसोजा असणार आहेत. तर जॉईट रजिस्टर कल्लापा ओबनगोळ, द.म.शिक्षण मंडळाचे सचिव विक्रम पाटील, खानापूर एसीएफ सुनिता निंबर्गी, एम. डी. सदानंद पाटील, उद्योजक मारूती वाणी, प्राचार्या शरयू कदम आदी मान्यवरांची उपस्थिती लाभणार आहे.  

यावेळी जिल्हा शिक्षणाधिकारी लिलावती हिरेमठ व इतर मान्यवरांच्याहस्ते १० वी च्या विद्यार्थांच्या मार्गदर्शनासाठी प्रश्नपत्रिकांच्या प्रकाशनासह विविध पुरस्कारांचे वितरण केले जाणार आहे.

यामध्ये विलास बेळगावकर यांना ज्ञानवर्धिनी समाजरत्न पुरस्कार, प्रा. गणपती कांबळे यांना ज्ञानवर्धिनी ज्ञानरत्न पुरस्कार पुरस्कार तर जांबोटी अपंग कल्याण संस्थेचे संस्थापक एस. जी. शिंदे यांना जीवनगौरव पुरस्कार देण्यात येणार आहे. याशिवाय शिक्षक, समाज सेवक, हितचिंतक आदींचा गौरव करण्यात येणार आहे. तरी कार्यक्रमाला विद्यार्थी, शिक्षक, पालक व नागरीकांनी उपस्थित राहण्याचे आवाहन सचिव व्ही. बी. होसुर यानी केले आहे.