• जिल्हाधिकारी मोहम्मद रोशन यांचे आश्वासन

बेळगाव : अलीकडच्या काळात पोलीस व अधिकाऱ्यांनी पत्रकारांना केलेली धक्काबुक्की व त्यांच्या वाहनांची तोडफोड करणे हे अनुचित प्रकार घडण्याचा खेद आहे. यापुढे पत्रकारांच्या बाबतीत असे प्रकार घडणार नाहीत याची योग्य ती काळजी घेऊन त्यांच्या अभिव्यक्ती स्वातंत्र्याचा आदर केला जाईल, असे आश्वासन जिल्हाधिकारी मोहम्मद रोशन यांनी दिले आहे.

विधान परिषदेत महिला व बालकल्याण मंत्री लक्ष्मी हेब्बाळकर यांना अपशब्द वापरल्याने, भाजप नेते सी.टी. रवी यांना अटक केल्याच्या घटनेचे वृत्तांकन करण्यासाठी पत्रकार गेले होते पण, तेथे त्यांना वारंवार रोखण्यात आले. इतकेच नाही तर पोलिसांकडून त्यांना धक्काबुक्की करण्यात आली. खानापूर, रामदुर्ग व गोकाक तालुक्यातील पोलीस अधिकाऱ्यांनी पत्रकारांचा अवमान केला तसेच त्यांच्या वाहनांची ही मोडतोड केली. याच्या निषेधार्थ पत्रकारांनी शनिवार दि. २१ रोजी पोलीस आयुक्त कार्यालयात धरणे धरले. पुन्हा असे प्रकार होऊ नयेत यासाठी पत्रकारांनी काल मंगळवारी सकाळी जिल्हाधिकार्यालय समोर धरणे धरले. जिल्हाधिकाऱ्यांनी सायंकाळी पत्रकारांसोबत बैठकीचे आयोजन केले होते.

याप्रसंगी पोलीस आयुक्त ईडा मार्टिन, जिल्हा पोलीस प्रमुख डॉक्टर भीमाशंकर गुळेद यावेळी उपस्थित होते. यावेळी बैठकीला उपस्थित पत्रकारांनी घडलेल्या पत्रकार बद्दल तीव्र नाराजी व्यक्त केली.

यावेळी पुढे बोलताना जिल्हाधिकारी मोहम्मद रोशन म्हणाले, प्रशासन व माध्यमांनी परस्पर सहकार्याने काम करणे आवश्यक आहे. पत्रकारांना धक्काबुक्की व त्यांच्या वाहनांची मोडतोड प्रकरणाची सखोल चौकशी करून  दोषींवर कारवाई करू असे ही आश्वासन त्यांनी दिले.या बैठकीला बहुसंख्य पत्रकार उपस्थित होते.

यावेळी पुढे बोलताना जिल्हाधिकारी मोहम्मद रोशन म्हणाले, प्रशासन व माध्यमांनी परस्पर सहकार्याने काम करणे आवश्यक आहे. पत्रकारांना धक्काबुक्की व त्यांच्या वाहनांची मोडतोड प्रकरणाची सखोल चौकशी करून  दोषींवर कारवाई करू असे ही आश्वासन त्यांनी दिले.या बैठकीला बहुसंख्य पत्रकार उपस्थित होते.