बेळगाव / प्रतिनिधी 

प्रादेशिक सेनेतर्फे राष्ट्रीय मिलिटरी स्कूलच्या मैदानावर सुरू असलेल्या सैन्य भरती प्रक्रियेत सहभागी झालेल्या युवकांना गुरुवारी (ता. १४) फळांचे वाटप करण्यात आले. महाराष्ट्र एकीकरण समितीचे नेते व सामाजिक कार्यकर्ते आर. एम. चौगुले यांनी या उपक्रमात पुढाकार घेतला.

४ नोव्हेंबरपासून बेळगावात सुरू असलेल्या सैन्य भरती प्रक्रियेत विविध राज्यातून आलेल्या युवकांची शारीरिक चाचणी पूर्ण झालेली आहे. १३ नोव्हेंबरपासून शारीरिक चाचणी उत्तीर्ण झालेल्या उमेदवारांची वैद्यकीय चाचणी व कागदपत्रांची पडताळणी लष्कराकडून सुरू झाली आहे. ही प्रक्रिया १६ नोव्हेंबरपर्यंत चालणार आहे. या मार्गावरून ये - जा करणाऱ्या व रस्त्यावर झोपणाऱ्या युवकांना पाहून आर. एम. चौगुले यांनी त्यांच्यासाठी मदतीचा हात पुढे केला. वैद्यकीय चाचणीसाठी उपस्थित युवकांना त्यांनी आज केळी, सफरचंद यासारख्या फळांचा फराळ दिला. त्यांच्या या सामाजिक उपक्रमाबद्दल युवकांनी समाधान व्यक्त केले.