• बंदी असलेल्या ग्लुकोजच्या वापराचा साठा सापडला 

बेळगाव / प्रतिनिधी 

बेल्लारीतील बाळंतिणीच्या मृत्यूस कारणीभूत असलेल्या आरएलएस आयव्ही ग्लुकोजवर तज्ञांच्या अहवालानंतर आरोग्य विभागाने बंदी घातली आहे. सर्व रुग्णालयांना ग्लुकोजचा वापर न करण्याचे आदेश देण्यात आले आहेत. 

या पार्श्वभूमीवर शनिवारी बेळगाव जिल्हाऔषध गोदामावर लोकायुक्त अधिकाऱ्यांनी अचानक छापा टाकला. यावेळी आरएलएस आयव्ही ग्लुकोजचे अनेक बॉक्स आढळून आले. 

जिल्हा रुग्णालयाच्या आवारातील जिल्हा औषध गोदामावर लोकायुक्त एसपी हनुमंतराय यांच्या नेतृत्वाखाली ८ अधिकाऱ्यांच्या पथकाने गोदामावर छापा टाकून तपासणी केली. त्यावेळी सदर ग्लुकोजचे १० पेक्षा जास्त बॉक्स सापडले. मुदत संपलेल्या औषधांच्या आणखी अनेक पेट्या सापडल्याचे सांगण्यात येत आहे. अधिकाऱ्यांनी औषध गोदामाची तपासणी केली आहे.