बेळगाव / प्रतिनिधी 

सहकार महर्षी कै.अर्जुनराव गोविंदराव घोरपडे जन्मशताब्दी निमित्त सोमवार दि. २ सप्टेंबर २०२४ रोजी मा. खासदार पद्मविभूषण शरद पवार मराठा मंदिर मंगल कार्यालय बेळगाव येथे कार्यक्रमाला प्रमुख पाहुणे म्हणून उपस्थित होते. याप्रसंगी महाराष्ट्र एकीकरण समिती नेते रमाकांत कोंडुसकर यांनी  शरद पवार यांची सदिच्छा भेट घेतली. तसेच पुष्पगुच्छ व शाल देऊन त्यांचा सन्मान केला.

या भेटीदरम्यान त्यांना सीमाप्रश्ना विषयी महाराष्ट्र सरकारवर दबाव आणून लवकरात लवकर महाराष्ट्र शासनाकडून सहकार्य व्हावे अशी विनंती केली. यांच्यासोबत मध्यवर्ती महाराष्ट्र एकीकरण समितीचे जनसंपर्क प्रमुख विकास कलघटगी, देवस्थान अध्यक्ष रणजीत चव्हाण पाटील, महाराष्ट्र एकीकरण समितीचे वैद्यकीय समन्वयक प्राचार्य आनंद आपटेकर, सागर पाटील ,महादेव पाटील उपस्थित होते.