• गदग येथे जिल्हा अग्निशमन अधिकारीपदी बढतीपर बदली 

बेळगाव : येथील शहर अग्निशामक ठाण्याचे अधिकारी व्ही. एस. टक्केकर यांना जिल्हा अग्निशमन अधिकारीपदी बढती मिळाली असून त्यांची गदग येथे पदोन्नतीने बदली झाली आहे.

बेळगाव तालुक्यातील कलखांबचे   सुपुत्र असलेले टक्केकर हे १९९१ साली फायरमेन म्हणून अग्निशमन दलात भरती झाले. १९९८ साली बढती मिळून ते हवालदार, २०१२ मध्ये सहाय्यक ठाणाधिकारी तर २०१६ साली शहर ठाणाधिकारी म्हणून बढती मिळाली. बैलहोंगल, सौंदत्ती, रामदुर्ग, संकेश्वर, सदलगा कारवार जिल्ह्यातील रोण आदि ठिकाणी त्यांनी सेवा बजावली आहे.

२०१६ मध्ये त्यांनी बेळगाव शहर ठाणा अधिकारी पदाचा पदभार स्वीकारला. आता त्यांना गदग जिल्हा अग्निशमन अधिकारी म्हणून बढती मिळाली आहे.