रक्तदानासाठी स्वयंप्रेरणेने पुढे या !

• विधानसभा अध्यक्ष यु.टी.खादर यांचे आवाहन

बेळगाव / प्रतिनिधी

रक्तदान हे सर्वश्रेष्ठ दान आहे. रक्तदानामुळे अनेकांना जीवदान मिळू शकते. त्यामुळे स्वयंप्रेरणेने रक्तदान करण्यास पुढे आले पाहिजे.आपणही विद्यार्थी जीवनात अनेक वेळा रक्तदान केले असून, अनेक रक्तदान शिबिरे भरविल्याचे विधानसभा अध्यक्ष यु.टी.खादर यांनी बिम्स सभागृहात आयोजित करण्यात आलेल्या कार्यक्रमात बोलताना केले. अलायन्स क्लब, रेड क्रॉस व बिम्स हॉस्पिटल यांच्या संयुक्त विद्यमाने आयोजित करण्यात आलेल्या रक्तदान शिबिराच्या उद्घाटन प्रसंगी ते बोलत होते.

या शिबिरामध्ये 300 हून अधिक जणांनी रक्तदान केले. प्रारंभी अलायन्स इंटरनॅशनलचे चेअरपर्सन एडवोकेट दिनकर शेट्टी यांनी उपस्थित मान्यवरांचे स्वागत केले.या कार्यक्रमाला विधानपरिषद सदस्य मंजुनाथ भंडारे,बेळगाव उत्तरचे आमदार राजू शेठ आधी उपस्थित होते. कार्यक्रमाचे सूत्रसंचालन भाग्यश्री कालकुंद्रीकर यांनी केले तर एडवोकेट रवींद्र तोटेगार यांनी आभार मानले. या कार्यक्रमाला संचालिका डॉ. नवीन शेट्टीगार,बिम्स संचालक डॉ. अशोक कुमारशेट्टी,अधीक्षक डॉ. ए. बी. पाटील, जिल्हा शल्य चिकित्सक डॉ. विठ्ठल शिंदे, डॉ. जी. आर. पाटील व अन्य मान्यवर उपस्थित होते.