बेळगाव : सीमाभागात 1986 साली कन्नडसक्ती विरोधी आंदोलनात शहीद झालेल्या हुतात्म्यांना अभिवादन करण्याचा कार्यक्रम उद्या मंगळवार दि. 6 जून रोजी सकाळी ठीक 8:30 वाजता हुतात्मा स्मारक बेळगुंदी येथे आयोजित करण्यात आला आहे.

गेल्या 66 वर्षापासून सीमाभागातील मराठी भाषिक कर्नाटकाच्या जोखड्यात अडकून पडला आहेत. ते आपल्या माय मराठी महाराष्ट्र राज्यात जाण्याकरता लोकशाही मार्गाने लढत आहेत. त्या लढ्याचा एक भाग म्हणून 1986 साली कन्नड सक्ती विरोधी आंदोलन झाले होते. त्यामध्ये बेळगाव परिसरातील मराठी भाषिक हुतात्मे झाले होते. तरी या हुतात्म्यांना आदरांजली वाहण्याच्या कार्यक्रमास सीमाभागातील महाराष्ट्र एकीकरण समितीच्या आजी-माजी लोकप्रतिनिधींनी, युवा आघाडीचे कार्यकर्ते, महिला आघाडीच्या कार्यकर्त्या आणि समितीच्या कार्यकर्त्यांसह समस्त मराठी भाषिकांनी मोठ्या संख्येने वेळेवर उपस्थित रहावे, असे आवाहन बेळगाव तालुका महाराष्ट्र एकीकरण समितीचे चिटणीस ॲड. एम. जी. पाटील यांनी केले आहे.