मांजरी / वार्ताहर  

चालकाचे नियंत्रण सुटल्याने कार पुलावरून नदीत कोसळली. या अपघातात कार मधून प्रवास करणारे ७ जण किरकोळ जखमी झाले. सुदैवाने या घटनेत कोणतीही जीवित हानी झाली नाही. मांजरी (ता. चिक्कोडी) गावात ही घटना घडली.

याबाबत घटनास्थळावरून प्राप्त माहितीनुसार, कृष्णा नदीच्या पलीकडे बांधलेल्या पूलवजा बंधाऱ्यावरून कार मांजरीहून बावनसौंदत्ती गावाकडे जात असताना चालकाचे नियंत्रण सुटल्याने ३० फूट खाली कोसळली.

यावेळी कारमधून प्रवास करणारे किरकोळ जखमी झाले. एकंदरीत या अपघातानंतर 'देव तारी त्याला कोण मारी' याचे प्रत्यंतर घडले.