पोहायला गेलेल्या दोन मुलांचा तलावात बुडून मृत्यू

• हुक्केरी तालुक्याच्या यादगुड गावातील घटना

हुक्केरी / वार्ताहर 

क्रिकेट खेळून शेततलावात पोहण्यासाठी गेलेल्या दोन मुलांचा शेत तलावात बुडून मृत्यू झाला. यादगुड (ता. हुक्केरी) येथे रविवारी दुपारी ४.५० वा. सुमारास ही दुर्दैवी घटना घडली. यमनाप्पा प्रकाश रेड्डरट्टी (वय १०), आणि येशू बसप्पा  (वय १४) अशी पाण्यात बुडवून मृत्यू झालेल्या त्या दोन मुलांची नावे आहेत.

 यमनाप्पा पाण्यात बुडत असताना येशूने त्याला वाचवण्याचा प्रयत्न केला; पण तो अयशस्वी ठरला. पण प्रयत्न करत असताना येशूचाही मृत्यू झाला. घटनेनंतर हुक्केरी पोलिसांनी घटनास्थळी भेट देऊन पंचनामा केला. या प्रकरणाची हुक्केरी पोलिस स्थानकात नोंद झाली असून पोलीस अधिक तपास करत आहेत.