• २०२४ पर्यंत जे. पी. नड्डाच भाजपचे राष्ट्रीय अध्यक्ष 
  • भाजपच्या राष्ट्रीय कार्यकारिणीच्या बैठकीत निर्णय

नवी दिल्ली दि. १७ जानेवारी 

भाजपचे राष्ट्रीय अध्यक्ष जे. पी नड्डा यांचा अध्यक्षपदाचा कार्यकाळ वाढवण्यात  असून  जून 2024 पर्यंत नड्डाच भापजचे राष्ट्रीय अध्यक्ष असतील अशी माहिती गृहमंत्री अमित शाह यांनी दिली. त्यामुळे आगामी लोकसभेच्या निवडणुका जे. पी. नड्डा यांच्याच अध्यक्षतेखाली लढवल्या जातील असे देखील अमित शाह यांनी सांगितले.

 आज दिल्लीत झालेल्या भाजपच्या राष्ट्रीय कार्यकारिणीच्या बैठकीत नड्डांनाच पुन्हा एकदा मुदतवाढ देण्याचा निर्णय घेण्यात आला.

दिल्लीत सध्या भाजपच्या राष्ट्रीय कार्यकारिणीचे अधिवेशन सुरू आहे. त्यात नड्डांना ही मुदतवाढ दिली जाणार अशी जोरदार चर्चा होती. ही चर्चा अखेर खरी ठरली आहे. आगामी लोकसभा निवडणुकीपर्यंत नड्डा यांना या पदावर मुदतवाढ मिळली आहे.

नड्डा यांना मुदतवाढ मिळेलच अशी शक्यता आधीच वर्तवण्यात येत होती. परंतु, हिमाचल प्रदेश या त्यांच्या स्वत:च्या राज्यात भाजपचा विधानसभा निवडणुकीत पराभव झाला आणि भाजपची तेथील सत्ता कॉंग्रेसच्या हाती गेली. या पराभवामुळे नड्डा यांच्या प्रतिमेला धक्का लागल्याने  राष्ट्रीय अध्यक्ष म्हणून त्यांना कायम ठेवले जाईल का अशी कुजबूज सुरु होती. परंतु, पुन्हा एकदा त्यांची मुदत वाढवण्यात आली.