कंग्राळी खुर्द येथे सीमालढ्यातील हुतात्म्यांना अभिवादन

कंग्राळी खुर्द / वार्ताहर 

बेळगाव तालुका महाराष्ट्र एकीकरण समितीच्या वतीने कंग्राळी खुर्द येथील सीमा लढ्यात हुतात्मा झालेल्या मारुती बेंन्नाळकर यांच्या प्रतिमेला पुष्पचक्र आणि पुष्पहार अर्पण करून अभिवादन करण्यात आले. प्रारंभी येथील छत्रपती शिवाजी महाराजांच्या पुतळ्याला माजी महापौर शिवाजी सुंठकर यांच्या हस्ते पुष्पहार अर्पण करण्यात आला. त्यानंतर मारुती बेन्नाळकर यांच्या प्रतिमेला माजी आमदार मनोहर किणेकर यांनी पुष्पहार अर्पण अभिवादन करण्यात आले. यावेळी बेळगाव, कारवार, निपाणी, बीदर, भालकीसह संयुक्त महाराष्ट्र झालाच पाहिजे, रहेंगे तो महाराष्ट्र में, नही तो जेल में, नाही नाही कधीच नाही, कर्नाटकात राहणार नाही अशा जोरदार घोषणा देण्यात आल्या. त्यानंतर गावातून घोषणा देत फेरी काढण्यात आली.

याप्रसंगी माजी आमदार मनोहर किणेकर, माजी महापौर शिवाजी सुंठकर, कृष्णा हुंदरे, ऍड. सुधीर चव्हाण, शिवसेना जिल्हाध्यक्ष प्रकाश शिरोळकर, भाऊ पाटील, मनोज पावशे, कंग्राळी खुर्द ग्रामपंचायत अध्यक्ष यल्लाप्पा पाटील, राकेश धामणेकर, एम. आर. चौगुले, निंगाप्पा जाधव, माजी नगरसेविका नीलिमा पावशे, पौर्णिमा पाटील, माजी जिल्हा पंचायत सदस्या सरस्वती पाटील, अर्चना हलगुंडी, जोती पाटील, रुक्मिणी निलजकर, प्रसाद पाटील, रामचंद्र मोदगेकर, मदन बामणे, एन. आर. कालकुंद्री, एम. जी. पाटील, कृष्णा हुंदरे, लक्ष्मण होनगेकर, आर. आय. पाटील यांच्यासह महाराष्ट्र एकीकरण समिती, शिवसेना आणि राष्ट्रवादी काँग्रेसचे कार्यकर्ते मोठ्या संख्येने उपस्थित होते.