हुबळी / वार्ताहर 

हुबळी - धारवाड बायपास मार्गावर  हुबळीच्या दिशेने जाणाऱ्या महाराष्ट्र पासिंगच्या कारची समोरून येणाऱ्या ट्रकला धडक बसली. ही धडक इतकी जोराची होती की, अपघातानंतर कार रस्त्यानजीक चरीत कलंडली.

सुदैवाने या घटनेत कारमधील प्रवासी सुखरूप बचावले. किरकोळ जखमींना उपचारासाठी नजीकच्या सरकारी रुग्णालयात पाठविण्यात आले.

घटनेची माहिती मिळताच धारवाड ग्रामीण पोलीसांनी घटनास्थळी भेट देऊन पंचनामा केला. या अपघाताची नोंद धारवाड ग्रामीण पोलीस स्थानकात झाली असून पोलीस अधिक तपास करत आहेत.