• विद्यार्थ्यांच्या गणवेशांना मोफत इस्त्री करून देण्याचा मानस  
  • उत्तुर येथील ज्येष्ठ नागरिक गंगाधर परीट यांचा स्तुत्य उपक्रम 
  • परिसरातून होतेय कौतुक 

आजरा / प्रतिनिधी 

उत्तुर (ता. आजरा) येथील शाळेत शिक्षण घेत असलेल्या विद्यार्थ्यांना मोफत इस्त्री करून देण्याचा संकल्प उत्तुर येथील गंगाधर परीट (वय ६५) यांनी केला असून त्यांच्या या उपक्रमाचे सर्वत्र कौतुक होत आहे.

स्वातंत्र्य दिन व प्रजासत्ताक दिनी कपड्यांना इस्त्री नसल्याने काही वेळेस विद्यार्थ्यांमध्ये नाराजी व्यक्त होते. मात्र सगळ्यांच्याच घरी इस्त्री अथवा इस्त्री करून घेण्यास पैसे नसतात. अशा सर्व विद्यार्थ्यांना मोफत इस्त्री करून देण्याचा परीट यांचा मानस आहे.

परीट कुटुंबातील गंगाधर परीट नोकरीनिमित्त पुणे येथे गेले होते. नोकरीमध्ये त्यांनी ठिकठिकाणी स्वयंपाकी म्हणून काम केले. काम करीत असताना त्यांनी वडिलोपार्जित व्यवसायाकडे दुर्लक्ष केले नाही. पुण्याच्या तळोजा येथे औद्योगिक महामंडळात काम करत असताना सायंकाळच्या वेळी त्यांनी आपल्या व्यवसायाकडे मन वळवले. व्यवसाय सांभाळत मुले सुद्धा यांना उच्च शिक्षण दिले. वयाच्या पासष्टीतही हे उत्तमपणे काम करीत असून त्यांच्या उपक्रमाचे कौतुक होत आहे.