पत्रकाराची पत्नीसह आत्महत्या

•  गळफास घेऊन संपविले जीवन 

विजयपूर / वार्ताहर 

विजापूर जिल्ह्यातील मुद्देबिहाळ शहरातील एका तरुण पत्रकाराने त्याच्या पत्नीसहित गळफास घेऊन आत्महत्या केल्याची घटना उघडकीस आली आहे .

युवा पत्रकार तिप्पण्णा सिद्धाप्पा होसमनी (वय 34 ), आणि त्याची पत्नी सुजाता (वय 30 ) यांनी विजापूर जिल्ह्यातील मुद्देबिहाळ शहरातील एपीएमसीजवळील खोल गळफास घेऊन आत्महत्या केली . तिप्पण्णा हा बेंगळूर येथील खाजगी वाहिनीत कॅमेरामन होता. त्याने काही महिन्यांपूर्वी नोकरी सोडली होती .

मुद्देबिहाळ तालुक्यातील कोण्णूर येथील रहिवासी असलेल्या तिप्पण्णा याने 4 – 5 महिन्यांपूर्वी प्रेमविवाह केला होता . पती पत्नी दोघेही गावी राहत होते .

घटनेची माहिती मिळताच पीएसआय आरीफ मुशापुरी व सहकार्यांनी घटनास्थळी भेट देऊन पाहणी केली .याप्रकरणी रात्री उशिरा मुद्देबिहाळ पोलीस स्थानकात गुन्हा दाखल करण्यात आला आहे .