हुक्केरीत बेकायदा मद्यसाठा जप्त ; एकाला अटक

•  उत्पादन शुल्क विभागाची कारवाई 

हुक्केरी / वार्ताहर

घोडगेरी (ता. हुक्केरी) येथे बेकायदा मद्यविक्री होत असल्याच्या मिळालेल्या माहितीवरून हुक्केरीचे उत्पादन शुल्क निरीक्षक विजयकुमार मेळवंकी यांच्या नेतृत्वाखालील पथकाने गावातील जनता प्लॉट येथे एका घरावर धाड घालून केलेल्या कारवाईत 138 लिटर मद्याची पाकिटे जप्त करण्यात आली.

याप्रकरणी अजित निरंजन तगिनमनी याला अटक करून न्यायालयासमोर हजर करण्यात आले आहे. दरम्यान घरमालक चंद्रप्पा तळवार फरार झाले असून, उत्पादन शुल्क अधिकाऱ्यांनी त्यांना पकडण्यासाठी कंबर कसली आहे.

या कारवाईत अतिरिक्त आयुक्त बेळगाव, उत्पादन शुल्क बेळगावचे सहआयुक्त, उत्पादन शुल्क बेळगाव व चिक्कोडीचे उपायुक्त तथा उत्पादन शुल्क चिक्कोडी उपविभागाचे मानद उपअधीक्षक सुनीलकुमार डी. यांचा सहभाग होता.