चंदगड (प्रतिनिधी) :

कला वाणिज्य आणि विज्ञान महाविद्यालय (कोवाड ता. चंदगड) येथील राष्ट्रीय सेवा योजना विभागाच्या वतीने प्लास्टिक मुक्त भारत या उपक्रमांतर्गत महाविद्यालय परिसरात स्वच्छता करण्यात आली.

प्रास्ताविक करून डॉ. के.एस.काळे यांनी कार्यक्रमाची रूपरेषा सांगितली. त्यानंतर सर्व स्वयंसेवक, प्राध्यापक, सेवक, कर्मचारी यांनी महाविद्यालयाच्या वसतिगृह इमारतीच्यानजीक ग्रंथालय क्रीडांगणाच्या परिसरात प्लास्टिक, कागद, पिशव्या, तसेच कचरा गोळा करून त्याची विल्हेवाट लावण्यात आली.

यावेळी प्राचार्य डॉ. एम. एस. पवार यांनी सर्वांचे कौतुक केले. तसेच आपला देश स्वच्छ आणि सुंदर ठेवण्यासाठी आवाहन केले. आभार डॉ. दीपक पाटील यांनी मानले. तर सूत्रसंचालन डॉ. ए. के. कांबळे यांनी केले. या कार्यक्रमाचे आयोजन एन. एस. एस. विभागाचे कार्यक्रम अधिकारी  डॉ. के. एस. काळे, डॉ. ए. के. कांबळे, डॉ. दीपक पाटील यांनी केले होते. यावेळी सर्व प्राध्यापक,प्रशासकीय सेवक, कर्मचारी आणि सर्व स्वयंसेवक उपस्थित होते.